«Шальке» клубининг Эрвин лақабли тимсоли «Рур дербиси»да ўзига хос қилиғи билан эсда қолди.
У «Шальке» - «Боруссия»Д (1:1) ўйинини бошқариб борган Феликс Цвайер бошчилигидаги ҳакамлар бригадасига қизил карточка кўрсатди.
Учрашувнинг сўнгги дақиқаларида ҳакам дортмундликлар дарвозаси томон пенальти белгиламади ва бу мезбонлар томонидан кескин норозиликларга сабаб бўлди.
Ҳакам ўйинни якунлагач, иккала жамоа футболчилари вазиятни муҳокама қилиш учун уни ўраб олишганди. Шу пайти майдонга тушиб келган клуб тимсоли ҳакамнинг қизил карточкасини тортиб олди ва дарҳол уни ҳакамнинг ўзига кўрсатди.
Эндиликда бу можаро Германия футбол Иттифоқи томонидан кўриб чиқилиши мумкин.
