“Uzbek Tigers” boks jamoasi a’zosi Elnur Abduraimov “Astana Arlans” klubiga qarshi jangda o‘z raqibi Dilmurat Mijitovni mag‘lub etdi.
Ushbu g‘alabadan so‘ng bokschi “UzReport TV” jurnalistiga qisqa intervyu berdi.
«Jang davomida raqib bir necha bor muvozanatni yo‘qotganini sezdim. Biroq u o‘zini ushlab turdi. 5 raund davomida jismonan charchoq sezmadim, sababi o‘z muxlislarimiz, xalqimiz oldida jang olib borganimdan bo‘lsa kerak. Murabbiylarimiz ko‘rsatmalari hamda sport majmuasidagi muxlislar faol tarzda qo‘llab-quvvatlab turgani ishonchli jang o‘tkazishimga va g‘alaba qozonishimga yordam berdi» - dedi Elnur Abduraimov.
