Oliy liganing 5-turida "Paxtakor" 7 aprel kuni "Metallurg"ni qabul qiladi.
Har ikki jamoa chempionatni yaxshi boshlay olgani yo‘q. Shu sababli juma kungi bellashuvda ular muxlislari qarshisida o‘zlarini oqlash uchun bor kuchlari bilan harakat qilishiga shubha yo‘q. O‘yinni diskvalifikasiya tufayli o‘tkazib yuboradigan futbolchilar yo‘q.
Hozirgacha oliy ligada jamoalar o‘rtasida 38 uchrashuv o‘tkazilgan. Ularning 30tasida "Paxtakor" g‘alaba qozongan. 4 o‘yin durang bilan tugagan, yana shuncha bellashuvda bekobodliklar zafar quchganlar. "Sherlar" raqib darvozasiga 100 gol urishgan bo‘lsa, "Metallurg" 31 to‘p kiritgan. Toshkentdagi 19 o‘yinning 17tasida jamoamiz muvaffaqiyatga erishgan, 2 to‘qnashuv durang bilan yakunlangan.
Uchrashuvni Sherzod Qosimov boshchiligidagi hakamlar guruhi boshqarib boradi. Joriy mavsum 1-turda u "Qizilqum"ga qarshi bellashuvni boshqargandi.
"PAXTAKOR" - "METALLURG"
Hakamlar: Sherzod Qosimov (Toshkent), Rasul Fozilov (Namangan), Mo‘min Majidov (Namangan), Naim Qosimov (Qarshi).
Nazoratchi: Andrey Klepikov (Toshkent).
PFL vakili: Ahrol Inoyatov.
Yoshlar tarkiblari o‘yini 6 aprel, payshanba kuni Qibrayda 16:00da boshlanadi. Asosiy jamoalar uchrashuvi 7 aprel, juma kuni 17:00da "Paxtakor" stadionida start oladi.
