"Lester" hujumchisi Ahmad Musa 5 aprel kuni mahalliy vaqt bilan tungi soat birda polisiya tomonidan o‘z ayoliga zo‘ravonlik qilishda gumon qilinib hibsga oldi.
Daily Star xabariga ko‘ra, futbolchi o‘z xonadonida ushlangan va so‘roq qilish uchun polisiya bo‘limiga olib ketilgan. So‘roqdan so‘ng hech qanday ayblovsiz qo‘yib yuborilgan.
"Lester" klubi vakillari bu voqea yuzasidan Musa bilan suhbatlashganlari va bu borada futbolchiga hech qanday jazo qo‘llanilmasligini ma’lum qilishdi.
Ahmad Musaning 4 yoshli o‘g‘li va 20 oylik qizalog‘i bor.
Futbolchi 2016 yilning yozida 16 million funt evaziga SSKAdan "Lester"ga o‘tgan edi. Ranyerining istefosidan so‘ng Musa maydonda 14 daqiqa harakat qilgan, xolos.
