"Sky Sport Italia" jurnalisti Massimo Marianella yozishicha, «Everton» hujumchisi Romelu Lukaku «Chelsi»ga o‘tishga yaqin turibdi.
«Kelayotgan yozda «Chelsi» bir nechta top-transferlarni amalga oshirsa kerak. Konte jamoani Chempionlar ligasi g‘olibligini qo‘lga kiritadigan darajadagi klubga aylantirmoqchi.
Shuni aytishim mumkinki, Lukakuning «Chelsi»ga o‘tishi deyarli hal bo‘lgan masala. Bundan tashqari, Angliya OAV tarqatgan xabarga ko‘ra, Aleksis Sanches ham «ko‘klar» a’zosiga aylanadi", – dedi Marianella.
Lukaku 2011/2012 yilgi mavsumda «Chelsi» sharafini himoya qilgan bo‘lsa, keyinchalik ijara asosida «Vest Bromvich» va «Everton»da o‘ynagan. 2014 yilda mersisaydliklar 23 yoshli belgiyalik futbolchining transferini «Chelsi»dan 28 million funt evaziga sotib olishgandi.
Angliya chempionatining ushbu mavsumida Romelu Lukaku 21ta gol urib, 6ta golga assistentlik qilgan.