"Atletiko" hujumchisi Antuan Grizmanning maslahatchisi Erik Olxats fransiyalik futbolchiga qaysi klublar qiziqish bildirganini ma’lum qildi.

"Men "Manchester Yunayted"ning Antuan bilan transer borasida kelishib olgani haqida o‘qidim, ammo biz ularning kelgusi mavsumda chempionlar ligasida o‘ynash-o‘ynamasliklarini bilmaymiz. Bu futbolchi uchun juda muhim.

"MYU" boshqa klublar kabi, shunchaki taklif yubordi. Ular bizning fikrimizni, futbolchining fikrini, uning jamoadan ketish ehtimolini va qancha summa evaziga ekanligini bilishni istadilar, xolos. Bu mantiqan to‘g‘ri harakatlar.

"Chelsi", "Manchester Siti", "Barselona" va hatto "Real" eshigimizni taqillatishdi. Ular nima mumkinu, nima mumkinmasligini bilishni istadilar Biz hamma variantni ko‘rib chiqyapmiz", - deydi Olxat.