“Sementchi” futbolchilariga “Xorazm”ga (1:0) qarshi uchrashuvdan so‘ng ikki kunlik dam olish imkoni berilgan edi.

Futbolchilarimiz kecha tushlikdan so‘ng o‘z qarorgoxida yig‘ildilar va bugundan ikki maxaldan mashg‘ulotlarga kirishdilar. Jamoani safarda ikki jiddiy uchrashuv kutib turibdi.

“Sementchi” dastlab 13 aprel kuni Qarshi shaxrida “Nasaf-2” jamoasiga qarshi maydonga chiqsa, 16 aprel kuni Termizda “Surxon” jamoasi bilan kuch sinashadilar.

Ushbu uchrashuvlarning jiddiyligi shundaki, “Nasaf-2” jamoasi doim quvasoyliklar uchun noqulay raqib bo‘lib kelgan. O‘tgan mavsum xech qaysi jamoaga 1 tadan ortiq to‘p farqi bilan yutqazmagan “Sementchi” aynan qashqadaryoliklarga 5:1 xisobidagi mag‘lubiyatni qabul qilib olgan. Quvasoyda kechgan uchrashuvda esa kichik 1:0 xisobida imkoniyat boy berilgan bo‘lsada ancha-muncha noqulayliklarni keltirib chiqara olgan jamoa.

Debyutant jamoa “Surxon” esa ushbu musobaqaga shu yili qo‘shilgan bo‘lsada, ushbu mavsumning o‘zidayoq o‘z oldiga Oliy ligaga chiqishdek ulkan vazifani qo‘ygan va xozircha o‘tgan ikki turning xar ikkalasida durrang o‘ynab xozircha qo‘yilgan vazifasiga loyiq o‘yin ko‘rsata olganicha yo‘q. Shu sababli surxandaryoliklar xam “Sementchi”ga jiddiy qarshilik ko‘rsatishi va faqat 3 ochko uchun xarakat qilishi aniq.