11 aprel kuni “Lokomotiv” qit’a chempionlar ligasi guruh bosqich o‘yinlari doirasidagi navbatdagi uchrashuvini o‘tkazadi.
Jamoa 4-tur o‘yinlari hisobidan Eronning “Istiqlol” klubini qabul qiladi.
Ertaga mazkur bellashuv oldidan o‘yinoldi rasmiy tadbirlar o‘tkazilishi ko‘zda tutilgan. Jumladan, soat 11:00da har ikki jamoa rasmiylari ishtirokida yig‘ilish bo‘lib o‘tadi va unda jamoalarning oldindagi bahsda qanday rangdagi libosda o‘ynashlariga oydinlik kiritiladi. Shuningdek, soat 12:00da “Istiqlol” jamoasi bosh murabbiyi ishtirokida matbuot anjumani tashkil etiladi. Soat 12:30da esa Andrey Miklyayev jurnalistlarning savollariga javob qaytaradi.
Eslatib o‘tamiz, “Lokomotiv” – “Istiqlol” bahsi indinga soat 16:00da boshlanadi.
