Oliy liga 5-turida G‘uzorning “Sho‘rtan” klubi o‘z maydonida “Lokomotiv”ni 2:0 hisobida mag‘lub etdi.
E’tiborlisi, ”Sho‘rtan”ga uch ochko keltirgan dastlabki gol muallifi “oq bo‘rilar” yosh himoyachisi Umar Eshmurodov hisobiga yozildi. Uchrashuvdan so‘ng, Umar Eshmurodov fikrlari bilan o‘rtoqlashdi:
-Ketma-ket mag‘lubiyatlardan keyin murabbiylar shtabida o‘zgarishlar bo‘ldi. Bosh murabbiy bo‘lib tayinlangan Ixtiyor aka Karimov ushbu bahsga alohida tayyorgarlikni olib bordi va g‘alabaga bo‘lgan ishonchimizni aytib, bizni ruhlantira oldi. Natijada barcha futbolchilar o‘yinni kuchaytirdik va haqli ravishda g‘alabaga erishdik, – deydi Umar Eshmurodov.
Eslatib o‘tamiz, Eshmurodovni oliy ligadagi uchinchi golini nishonladi. Uchala gollarini ham Toshkent jamoalariga urgan.
O‘tgan mavsumda futbolchi safarda “Obod” va “Bunyodkor” jamoalari darvozasini ishg‘ol etgan edi.
