APL rahbariyati «Liverpul»ga voyaga yetmagan futbolchilar bilan shartnoma tuzishini taqiqlab qo‘ydi.

Liga rasmiy sayti xabariga ko‘ra, «Liverpul» keyingi 2 yil davomida Angliyaning boshqa klublariga tegishli yosh futbolchilarni o‘z safiga chorlay olmaydi. Klub bundan tashqari, 100 ming funt sterling miqdorida jarima to‘laydi.

Avvalroq, «Liverpul» vakillari «Stok Siti»ning 12 yoshli tarbiyalanuvchisi bilan shartnoma imzolamoqchi bo‘lishgan, ammo yakunda o‘z fikrlaridan qaytishgan. Natijada futbolchining oilasi 1000 funt sterling miqdorida zarar ko‘rgan. Boz ustiga, u joriy mavsum «Stok» safida maydonga tusholmayapti.