АПЛ раҳбарияти «Ливерпул»га вояга етмаган футболчилар билан шартнома тузишини тақиқлаб қўйди.

Лига расмий сайти хабарига кўра, «Ливерпуль» кейинги 2 йил давомида Англиянинг бошқа клубларига тегишли ёш футболчиларни ўз сафига чорлай олмайди. Клуб бундан ташқари, 100 минг фунт стерлинг миқдорида жарима тўлайди.

Аввалроқ, «Ливерпуль» вакиллари «Сток Сити»нинг 12 ёшли тарбияланувчиси билан шартнома имзоламоқчи бўлишган, аммо якунда ўз фикрларидан қайтишган. Натижада футболчининг оиласи 1000 фунт стерлинг миқдорида зарар кўрган. Боз устига, у жорий мавсум «Сток» сафида майдонга тушолмаяпти.