Osiyo Chempionlar Ligasi–2017 musobaqasi “S” guruhi 4-turida Toshkentning “Bunyodkor” jamoasi Isfaxonda “Zob Ohan” futbolchilariga qarshi bahs olib bordi.

Foolad Shahr Stadium maydonida o‘tkazilgan o‘yinda eronliklar 2:1 hisobida g‘alaba qozondi. O‘yinning 5-daqiqasida Vohid Muhammadzoda hisobni ochgan bo‘lsa, 54-daqiqada Murtazo Tabriziy “Zob Ohan” ustunligini oshirdi. 72-daqiqada Shahzobdek Nurmatovning boshi bilan bergan zarbasi golga aylandi va hisob qisqardi. Ammo o‘yin yakuniga qadar boshqa gol kiritilmadi va “qaldirg‘ochlar” 1:2 hisobidagi mag‘lubiyatni qabul qildi.

Ushbu bellashuvdan keyin “Zob Ohan” ochkolari sonini 7 taga yetkazib, guruhda 2-o‘ringa joylashdi. To‘rtta uchrashuvda umuman ochko jamg‘ara olmagan “Bunyodkor” deyarli guruhdan chiqish imkoniyatini yo‘qqa chiqardi.

OCHL–2017. “S” guruhi, 4-tur
Isfaxon, Eron, 11 aprel, seshanba
“Zob Ohan” – “Bunyodkor” 2:1
Gollar: Vohid Muhammadzoda (5), Murtazo Tabriziy (54) – Shahzodbek Nurmatov (72)
Ogohlantirish: Otabek Shukurov (71)
“Zob Ohan”: Muhammadrashid Mazaheri, Ali Hamam, Muhammad Najadmehdi, Vohid Muhammadzoda, Mehron Derakshan,  Rizo Husayniy (Haqverdi, 90), Danial Ismoilfar, Mahdi Mahdipur,  Ehson Pahlavon, Murtazo Tabriziy, Jerri Bengtson (Mehdi Rajabzoda, 82).
“Bunyodkor”: Murod Zuhurov, Rustamjon Ashurmatov, Akram Komilov, Javlon Mirabdullayev, Dilshodbek Ahmadaliyev, Dushan Michich (Dostonbek Hamdamov, 46), Sardorbek Azimov, Mirjamol Qosimov (SHahzodbek Nurmatov, 57), Otabek Shukurov, Xurshid G‘iyosov, Eldor Shomurodov.