Осиё Чемпионлар Лигаси–2017 мусобақаси “С” гуруҳи 4-турида Тошкентнинг “Бунёдкор” жамоаси Исфахонда “Зоб Оҳан” футболчиларига қарши баҳс олиб борди.

Foolad Shahr Stadium майдонида ўтказилган ўйинда эронликлар 2:1 ҳисобида ғалаба қозонди. Ўйиннинг 5-дақиқасида Воҳид Муҳаммадзода ҳисобни очган бўлса, 54-дақиқада Муртазо Табризий “Зоб Оҳан” устунлигини оширди. 72-дақиқада Шаҳзобдек Нурматовнинг боши билан берган зарбаси голга айланди ва ҳисоб қисқарди. Аммо ўйин якунига қадар бошқа гол киритилмади ва “қалдирғочлар” 1:2 ҳисобидаги мағлубиятни қабул қилди.

Ушбу беллашувдан кейин “Зоб Оҳан” очколари сонини 7 тага етказиб, гуруҳда 2-ўринга жойлашди. Тўртта учрашувда умуман очко жамғара олмаган “Бунёдкор” деярли гуруҳдан чиқиш имкониятини йўққа чиқарди.

ОЧЛ–2017. “С” гуруҳи, 4-тур
Исфахон, Эрон, 11 апрель, сешанба
“Зоб Оҳан” – “Бунёдкор” 2:1
Голлар: Воҳид Муҳаммадзода (5), Муртазо Табризий (54) – Шаҳзодбек Нурматов (72)
Огоҳлантириш: Отабек Шукуров (71)
“Зоб Оҳан”: Муҳаммадрашид Мазаҳери, Али Ҳамам, Муҳаммад Нажадмеҳди, Воҳид Муҳаммадзода, Меҳрон Деракшан,  Ризо Ҳусайний (Ҳақверди, 90), Даниал Исмоилфар, Маҳди Маҳдипур,  Эҳсон Паҳлавон, Муртазо Табризий, Жерри Бенгтсон (Меҳди Ражабзода, 82).
“Бунёдкор”: Мурод Зуҳуров, Рустамжон Ашурматов, Акрам Комилов, Жавлон Мирабдуллаев, Дилшодбек Аҳмадалиев, Душан Мичич (Достонбек Ҳамдамов, 46), Сардорбек Азимов, Миржамол Қосимов (Шаҳзодбек Нурматов, 57), Отабек Шукуров, Хуршид Ғиёсов, Элдор Шомуродов.