Dortmundning «Borussiya» klubi himoyachisi Mark Bartra kecha bo‘lib o‘tishi kerak bo‘lgan "Monako"ga qarshi Chempionlar ligasi o‘yini oldidan avtobus yonida portlash yuz bergani sababli jabrlangandi. Futbolchi Instagram orqali o‘zining holati haqida ma’lumot berib o‘tdi.
«Hammaga salom! Ko‘rib turganingizdek, ancha yaxshiman. Qo‘llab-quvvatlash va tilaklar uchun hammaga rahmat.
"Monako"ga qarshi o‘yinda men bor kuchim bilan "Borussiya"dagi jamoadoshlarim va muxlislar bilan birga bo‘laman», – deya yozdi Bartra.
Eslatib o‘tamiz, kecha «Borussiya» avtobusi yonida 3ta portlash yuz berdi. Bartra kichik jarohat tufayli shifoxonaga yetkazildi. O‘yin esa chorshanba kuniga ko‘chirildi.
Bartraning o‘ng qo‘lidagi suyagida sinish qayd etilgan va futbolchi operasiya qilindi. U mavsum so‘ngida safga qaytishi mumkin.
