"Manchester Yunayted" bosh murabbiyi Joze Mourinyo jamoa hujumchisi Ueyn Runi Yevropa ligasining chorak finalida "Aderlext"ga qarshi o‘yinni o‘tkazib yuborishini ma’lum qildi.

Angliyalik 31 yoshli futbolchi yakshanba kuni APLda "Chelsi"ga qarshi o‘yinda ham ishtirok etmasligi mumkin.

"Runi o‘z holatidan mamnun emas. U mashq qilishga tirishyapti. Ammo uni to‘pihidagi jarohati bezovta qilmoqda, shuning uchun o‘yinga tayyor emas. Keling, yakshanba kunigacha sabr qilamiz, yaxshisi - keyingi haftagacha.

Bizda o‘yinchilar ko‘p emas, ammo har bir futbolchi tayyor bo‘lishga harakat qilyapti. Ammo u ertaga aniq o‘ynamaydi", - deydi Mourinyo.