Italiyaning “Inter” klubi “Monako” bilan jamoa hujumchisi Kilian Mbappe transferi bo‘yicha muzokara boshladi.

Tuttosport nashrining xabariga ko‘ra, italiyaliklar futbolchi uchun “Monako”ga 70 million yevro berishga tayyorliklarini bildirishgan.

“Inter” rahbariyati Mbappe yangi mavsumda jamoaga kelib qo‘shilishini istamoqda. “Monako” Mbappe haqida hozircha so‘nggi qarorni qabul qilmadi.

Xabarlarga ko‘ra, jamoa rahbariyati yaqin kunlarda Kilianning kelajagi haqida so‘nggi qarorni qabul qiladi.

Ma’lumot uchun, Mbappe “Monako”ning barcha musobaqalardagi uchrashuvlarida 34 marta maydonga tushib, 21 ta to‘p kiritgan.