Италиянинг “Интер” клуби “Монако” билан жамоа ҳужумчиси Килиан Мбаппе трансфери бўйича музокара бошлади.

Tuttosport нашрининг хабарига кўра, италияликлар футболчи учун “Монако”га 70 миллион евро беришга тайёрликларини билдиришган.

“Интер” раҳбарияти Мбаппе янги мавсумда жамоага келиб қўшилишини истамоқда. “Монако” Мбаппе ҳақида ҳозирча сўнгги қарорни қабул қилмади.

Хабарларга кўра, жамоа раҳбарияти яқин кунларда Килианнинг келажаги ҳақида сўнгги қарорни қабул қилади.

Маълумот учун, Мбаппе “Монако”нинг барча мусобақалардаги учрашувларида 34 марта майдонга тушиб, 21 та тўп киритган.