“Barselona” klubi sobiq direktori Joan Gaspar Neymarning Ispaniya futbol federasiyasi tomonidan chetlatilgani haqida o‘z fikrlarini bildirib o‘tdi.

“Neymarning chetlatilishida qandaydir nohaqlik qatnashayotgani sezgandekman. Kim Neymarning haqam ustidan kulganini ko‘rdi? Shunchaki jurnalistlar bu holatni shunday tahlil etishmoqda.

Agar u hakamni urib yoki unga tupurgan bo‘lsa boshqa gap edi, Neymar nima uchun chetlatilganini hozirgacha tushuna olmayapman.

Oddiy qarsak uchun chetlatish bu nohaqlik hisoblanadi” - deydi Gaspar Sportyou nashriga bergan intervyusida.

Eslatib o‘tamiz, Neymar Ispaniya chempionatining 31-turida “Malaga”ga qarshi o‘yinda zaxira hakamiga istehzoli qarsak chalgani uchun ikki va uchrashuv jarayonida qo‘pollik ishlatgani uchun bir o‘yinga chetlatilgandi.