“Барселона” клуби собиқ директори Жоан Гаспар Неймарнинг Испания футбол федерацияси томонидан четлатилгани ҳақида ўз фикрларини билдириб ўтди.

“Неймарнинг четлатилишида қандайдир ноҳақлик қатнашаётгани сезгандекман. Ким Неймарнинг ҳақам устидан кулганини кўрди? Шунчаки журналистлар бу ҳолатни шундай таҳлил этишмоқда.

Агар у ҳакамни уриб ёки унга тупурган бўлса бошқа гап эди, Неймар нима учун четлатилганини ҳозиргача тушуна олмаяпман.

Оддий қарсак учун четлатиш бу ноҳақлик ҳисобланади” - дейди Гаспар Sportyou нашрига берган интервьюсида.

Эслатиб ўтамиз, Неймар Испания чемпионатининг 31-турида “Малага”га қарши ўйинда захира ҳакамига истеҳзоли қарсак чалгани учун икки ва учрашув жараёнида қўполлик ишлатгани учун бир ўйинга четлатилганди.