«MYU»ning armanistonlik yarim himoyachisi Genrix Mxitaryan joriy mavsum tugamasidan oldin keyingisida mutlaqo boshqacha saviyada o‘ynashni o‘ylamoqda. U xususan, Sky Sports telekanaliga bergan intervyusida «Old Trafford»dagi faoliyatiga to‘xtalish barobarida yangi mavsumda o‘z oldiga ancha ko‘p gol urish rejasini qo‘yishini yashirmadi.
Hozirgi faoliyati
- Ayni payt eng yaxshi sport formasida emasman. Ya’ni o‘yinimda hali maromiga yetkazilmagan jihatlar yetarli. Chunonchi, bundan-da samaraliroq to‘p sura olishimni yaxshi bilaman. Lekin tushuning, benuqson o‘yinchining o‘zi yo‘q. Qidirsangiz, kamchiliklar doimo topiladi. Muhimi - ularni bartaraf etish yo‘lida izlanishdan to‘xtab qolmaslik.
Yangi mavsum rejalari
- Muvaffaqiyatli to‘p surib, «MYU»ning sovrinlarga ega chiqishiga munosib hissa qo‘shish qo‘limdan keladi. Bunga shubham yo‘q. Xususan, yangi mavsumda ancha ko‘p gol urishga va’da beraman. Shuningdek, samarali uzatmalarim soni ham ko‘payadi.
Jamoaga nisbatan munosabat
- Afsuski, Liga kubogi final o‘yinini o‘tkazib yuborishga majbur bo‘ldim. Lekin asosiysi, jamoam nufuzli sovrinni qo‘lga kiritdi. Men uchun individual sovrinlar emas, jamoaviy muvaffaqiyatlar birinchi o‘rinda turadi. Albatta, endi «MYU»ning YEL finaliga chiqishini istayman. Oldinda bizni qanday voqealar kutayotganini taxmin qilish qiyin. Shunday ekan, ijobiy natijalarni ko‘zlash maqsadga muvofiqroq.
YEL va bo‘lajak raqib
