“Barselona” darvozaboni Mark-Andre ter Shtegen “Yuventus”ga qarshi javob o‘yini haqidagi fikrlarini bildirib o‘tdi.

“Javob uchrashuviga ajoyib kayfiyatda tayyorlanishimiz zarur. Biz o‘z maydonimizda to‘p suramiz, bunday imkoniyatdan foydalanib qolish kerak deb o‘ylayman.

“Barselona”da ma’suliyatli futbolchilar va ajoyib muxlislarga ega jamoa. Avvalambor g‘alaba uchun o‘zimizda katta ishonch bo‘lishi lozim.

“Yuventus”ning himoyachilari kuchli, lekin bizning uchlik dunyodagi eng yaxshi hujumchilar hisoblanishadi. O‘yinni qutqarish uchun bor kuchimizni ishga solamiz”, - deydi ter Shtegen “Barselona” klubi matbuot xizmatiga bergan intervyusida.

Eslatib o‘tamiz, “Yuventus” – “Barselona” jamoalari o‘rtasidagi dastlabki uchrashuv turinliklarning yirik 3:0 hisobidagi g‘alabasi bilan yakunlangandi.