“Barselona” sobiq futbolchisi Ronaldinyo kataloniyaliklarning “Yuventus”ga qarshi uchrashuvdagi muvaffaqiyatiga ishonch bildirmoqda.
“Barsa” “Yuventus”ga qarshi uchrashuvda kambek ko‘rsatishidan umidvorman va bunga ishonaman. Enrike qo‘l ostidagi futbolchilarning bunga jismonan kuchi yetarli.
To‘g‘ri, balki buni amalga oshirish juda qiyin bo‘ladi, lekin ilojsiz narsaning o‘zi yo‘q. Mazkur uchrashuvda “Barselona”ning buyuk futbolchilari o‘yin taqdirini hal qilishlari shart”, - deydi Ronaldinyo UYEFA rasmiy saytiga bergan intervyusida.
Eslatib o‘tamiz, “Yuventus” – “Barselona” uchrashuvi turinliklarning 3:0 hisobidagi g‘alabasi bilan yakunlangandi.
