“Барселона” собиқ футболчиси Роналдиньо каталонияликларнинг “Ювентус”га қарши учрашувдаги муваффақиятига ишонч билдирмоқда.

“Барса” “Ювентус”га қарши учрашувда камбэк кўрсатишидан умидворман ва бунга ишонаман. Энрике қўл остидаги футболчиларнинг бунга жисмонан кучи етарли.

Тўғри, балки буни амалга ошириш жуда қийин бўлади, лекин иложсиз нарсанинг ўзи йўқ. Мазкур учрашувда “Барселона”нинг буюк футболчилари ўйин тақдирини ҳал қилишлари шарт”, - дейди Роналдиньо УЕФА расмий сайтига берган интервьюсида.

Эслатиб ўтамиз, “Ювентус” – “Барселона” учрашуви туринликларнинг 3:0 ҳисобидаги ғалабаси билан якунланганди.