"Manchester Siti" bosh murabbiyi Xosep Gvardiola Angliya futboli haqidagi fikrlari bilan o‘rtoqlashdi.

"Manchester Siti" APLda 32 o‘yindan so‘ng 4-o‘rinda bormoqda.

"Bu yerda menga biroz bosim yetishmayapti. Ispaniya va Germaniyada bosim yuqoriroq, u o‘yinchilarga, murabbiylarga, umuman hammaga ta’sir qiladi. BU yerda - sokinlik. Masalan, muxlislar kek saqlamaydi, bu menga juda yoqadi. Bundan tashqari har doim klubning qo‘llashini his qilaman.

Ammo ba’zan qaysidir bir o‘yinni yutqazmasliging kerakligini bilsang, bosim sezasan, chunki seni va futbolchilarni tanqid qilishadi. O‘yinchilarning kuchayishiga yordam berish uchun qandaydir o‘zgacha muhit yaratish kerak.

Ba’zida jurnalistlar murabbiylarni "o‘ldirishlari" tushunarli, bu hamma yerda bor. Qarang, biz "Monako"ga mag‘lub bo‘ldik va YECHLdan chiqib ketdik, keyin "Liverpul", "Arsenal" va "Chelsi"ga qarshi uchta qiyin uchrashuv o‘tkazdik va bitta ham g‘alaba qozona olmadik. Ammo keyin "Xall" bilan uchrashuvda g‘alaba qozondik, chunki muxlislar bizga yordam bergan edilar. Ispaniya yoki Italiyada bunaqa bo‘lmas edi. Buni birinchi marta his qildim va muxlislardan minnatdorman", - deydi Gvardiola.