Madridning “Real” klubi yarim himoyachisi Kazemiro “Bavariya”ga qarshi uchrashuv oldidan o‘z fikrlarini bildirib o‘tdi.
“Musobaqa finaliga yetib borishimizga qadar hali uzoq vaqt bor. “Bavariya” – kuchli jamoa. Bizga faqat muxlislar olqishi va qo‘llab – quvvatlashlari kuch bera oladi. Ular bizning asosiy qismimiz hisoblanishadi.
O‘yin juda qiyin kechishini bilib turibmiz, lekin bugun g‘alaba qozonishga majburmiz. Xabi Alonso? U – katta tajribaga ega futbolchi. Alonso asosan maydon markazida o‘zini ijobiy tomondan ko‘rsata oladi. Ammo “Real” o‘z oldiga yuqori maqsadlarni qo‘ygan jamoa”, - deydi Kazemiro
Eslatib o‘tamiz, YECHL 1/4 final bosqichidan o‘rin olgan “Bavariya” – “Real” uchrashuvi madridliklarning 1:2 hisobidagi g‘alabasi bilan yakunlangandi.
