«Shanxay SIPG» yarimhimoyachisi Odil Ahmedov Xitoydagi faoliyati haqida gapirib berdi.

«Xitoyga ketishimdan oldin, arab klublaridan taklif oldim. Ular meni anchadan buyon «ta’qib» qilib kelmoqda. Yana bir variantda Fransiya chempionatiga o‘tishim ham mumkin edi. Ammo ular mening transfer narximni ko‘tara olishmadi. «Shanxay» esa kerakli pulni berishga rozi bo‘ldi.

Hozir «Krasnodar»dagidan sal ziyod maosh olmoqdaman. Biroq, Xitoyga pul uchun kelmadim. Men uchun pul masalasi hech qachon birinchi darajali bo‘lmagan.

Yangi limit tufayli, Superliga o‘yinlarida uch nafar legionerni tarkibga kiritish mumkin. Boshqalar esa zaxira o‘rindig‘ida ham o‘tirmasligi shart. Shu tufayli bosh murabbiy tarkibni tez-tez o‘zgartirib turishga majbur. Bir o‘yinda maydonga tushsam, keyingisida dam olyapman. Agar bosh murabbiyimiz Villash-Boash limit joriy qilinishini bilganida, yana bir legionerni, ya’ni meni taklif qilib o‘tirmasdi. U menga: «Rotasiya qilishga majburman, to‘g‘ri tushun» - dedi. Men tushundim.

Muxlislarga qoyilman. Birinchi marta kelganimda, aeroportda gullar bilan kutib olishdi, bunaqasi hech bo‘lmagan. Odamlar chin dildan futbolga muxlislik qilarkan. Yutasanmi, yutqazasanmi, ularga farqi yo‘q. Har doim qo‘llab-quvvatlab o‘tirishadi.

Jamoadoshim Xalkni rossiyadagilardanam juda yaxshi ko‘rishadi, bu aniq. Odamlar uni ko‘rganida, xursandchilikdan baqirib yuborishadi. Qayerga borsak ham shu holatni guvohi bo‘lamiz. O‘z uyimizdagi o‘yinlarda esa kamida 25-30 ming tomoshabin tashrif buyuradi» - dedi Ahmedov «Futbol» haftanomasiga bergan intervyusida.