Dilshod Nuraliyev bosh murabbiyligidagi O‘zbekiston o‘smirlar terma jamoasi Armaniston poytaxti Yerevan shahrida start olgan xalqaro musobaqada o‘z ishtirokini boshladi.

Development Cup nomli musobaqada O‘zbekiston o‘smirlar termasi ilk uchrashuvini kecha, 18 aprel kuni Makedoniya U-15 futbolchilariga qarshi o‘tkazib, 2:1 hisobida zafar quchdi.

17–23 aprel kunlariga belgilangan turnir davomida Dilshod Nuraliyev shoigrdlari Armaniston va Kipr mamlakatidagi tengdoshlariga qarshi ham kuch sinashadi.

Mazkur musobaqa O‘zbekiston o‘smirlar termasi uchun 2018 yilgi U-16 Osiyo chempionatiga saralash bosqichiga tayyorgarlik vazifasini o‘taydi. Saralash bosqichi shu yilning 16–24 sentyabr kunlari bo‘lib o‘tadi.