Mavsumni “Torino”da ijara asosida o‘tkazayotgan “Manchester Siti”darvozaboni Jo Xart yozgi transferlar mavsumida faoliyatini boshqa jamoada davom ettirishi mumkin.
The Sun nashrining xabariga ko‘ra, “Liverpul”Angliya terma jamoasi darvozaboni uchun 20 million funt sterling to‘lashga tayyor.
Ma’lumot uchun, “Manchester Siti” murabbiylar shtabi mavsum boshida Xartni bo‘lajak rejalarida yo‘qligini bildirib o‘tishgandi.
Shuningdek, 30 yoshli darvozabonning “shaharliklar” bilan tuzgan shartnomasi 2019 yil yakuniga yetadi.
Avvalroq, Xart xizmatlariga Angliyaning boshqa “Manchester Yunayted” va “Chelsi” klublari qiziqish bildirayotgani haqida xabar berilgandi.
