Мавсумни “Торино”да ижара асосида ўтказаётган “Манчестер Сити”дарвозабони Жо Харт ёзги трансферлар мавсумида фаолиятини бошқа жамоада давом эттириши мумкин.
The Sun нашрининг хабарига кўра, “Ливерпуль”Англия терма жамоаси дарвозабони учун 20 миллион фунт стерлинг тўлашга тайёр.
Маълумот учун, “Манчестер Сити” мураббийлар штаби мавсум бошида Хартни бўлажак режаларида йўқлигини билдириб ўтишганди.
Шунингдек, 30 ёшли дарвозабоннинг “шаҳарликлар” билан тузган шартномаси 2019 йил якунига етади.
Аввалроқ, Харт хизматларига Англиянинг бошқа “Манчестер Юнайтед” ва “Челси” клублари қизиқиш билдираётгани ҳақида хабар берилганди.
