O‘zbekiston birinchiligi 5-tur doirasida bir qator derbilarga guvox bo‘lishimiz mumkin. Shu jumladan Farg‘onada ham.

23 aprel kuni “Sementchi” Quvasoyda viloyatning yana bir vakili, ushbu mavsumdan Birinchi liga musobaqalarida ishtirok etishni boshlagan debyutant “Istiqlol” jamoasini qabul qiladi.

“Istiqlol” jamoasi 2016 yilda tashkil topgan. Birinchi liga musobaqalarida esa ushbu mavsumdan ilk marotaba ishtirok etmoqda. Jamoaga Farg‘onaning eng yirik tashkilotlaridan sanalgan “QUVASOYTA’MIRQURILISH” korxonasi xomiylik qilmoqda. Bu esa yangi jamoada moliyaviy tomondan xech qanday muammo yo‘qligidan dalolat beradi. Bundan tashqari jamoa barcha uy uchrashuvlarini Farg‘ona shaxrining markazidagi yangi qurib bitkazilgan eng zamonaviy jahon talablariga mos etib qurilgan 35 ming o‘rinli yangi markaziy “Istiqlol” o‘yingohida o‘tkazmoqda.

Jamoa o‘tgan turlar davomida 4 ta uchrashuvda ishtirok etib 2 ta g‘alaba, 2 ta durang natijalarni qayt etib raqiblar darvozasiga 5 ta to‘p kiritdilar. O‘z darvozalaridan esa 2 ta to‘p olib chiqishdi. Xozirda jamoa 8 ochko to‘plab musobaqa jadvalini kuchli 4-o‘rnini egallab turibdi.

O‘tkazilgan uchrashuvlari :
1-Tur Zomin – Istiqlol 0-0
2-tur G‘allakor-Bars – Istiqlol 0-1
3-Tur Istiqlol- Xotira-79 1-1
4-tur Istiqlol- Lokomotiv BFK 3-2

“Istiqlol” jamoasi bilan “Sementchi” faqat bir marta nazorat uchrashuvidagina ro‘baro‘ kelgan. Jamoa bu nazorat uchrashuvida 2-1 xisobida g‘alaba qozongan.

Jamoada urilgan gollarga Jamshid Xoshimov 2 ta, Xondamir Yuldashev 1 ta, Rustam Abduxamitov 1 ta, Shokirov Xoshim 1 ta golga mualliflik qilgan.

Jamoada Nail Gubanov bosh murabbiylik qilmoqda.

Vodiy axlini 23 aprel yakshanba kuni markaziy “Sementchi” stadioniga, O‘zbekiston birinchiligi 5-tur doirasidagi viloyat derbisi “Sementchi” – “Istiqlol” uchrashuviga taklif etamiz.