Ўзбекистон биринчилиги 5-тур доирасида бир қатор дербиларга гувох бўлишимиз мумкин. Шу жумладан Фарғонада ҳам.

23 апрел куни “Цементчи” Қувасойда вилоятнинг яна бир вакили, ушбу мавсумдан Биринчи лига мусобақаларида иштирок этишни бошлаган дебютант “Истиқлол” жамоасини қабул қилади.

“Истиқлол” жамоаси 2016 йилда ташкил топган. Биринчи лига мусобақаларида эса ушбу мавсумдан илк маротаба иштирок этмоқда. Жамоага Фарғонанинг энг йирик ташкилотларидан саналган “ҚУВАСОЙТАЪМИРҚУРИЛИШ” корхонаси хомийлик қилмоқда. Бу эса янги жамоада молиявий томондан хеч қандай муаммо йўқлигидан далолат беради. Бундан ташқари жамоа барча уй учрашувларини Фарғона шахрининг марказидаги янги қуриб битказилган энг замонавий жаҳон талабларига мос этиб қурилган 35 минг ўринли янги марказий “Истиқлол” ўйингоҳида ўтказмоқда.

Жамоа ўтган турлар давомида 4 та учрашувда иштирок этиб 2 та ғалаба, 2 та дуранг натижаларни қайт этиб рақиблар дарвозасига 5 та тўп киритдилар. Ўз дарвозаларидан эса 2 та тўп олиб чиқишди. Хозирда жамоа 8 очко тўплаб мусобақа жадвалини кучли 4-ўрнини эгаллаб турибди.

Ўтказилган учрашувлари :
1-Тур Зомин – Истиқлол 0-0
2-тур Ғаллакор-Барс – Истиқлол 0-1
3-Тур Истиқлол- Хотира-79 1-1
4-тур Истиқлол- Локомотив БФК 3-2

“Истиқлол” жамоаси билан “Цементчи” фақат бир марта назорат учрашувидагина рўбарў келган. Жамоа бу назорат учрашувида 2-1 хисобида ғалаба қозонган.

Жамоада урилган голларга Жамшид Хошимов 2 та, Хондамир Юлдашев 1 та, Рустам Абдухамитов 1 та, Шокиров Хошим 1 та голга муаллифлик қилган.

Жамоада Наил Губанов бош мураббийлик қилмоқда.

Водий ахлини 23 апрел якшанба куни марказий “Цементчи” стадионига, Ўзбекистон биринчилиги 5-тур доирасидаги вилоят дербиси “Цементчи” – “Истиқлол” учрашувига таклиф этамиз.