UEFA matbuot xizmatining xabariga ko‘ra, «Lion» va «Beshiktosh» klublari muxlislarining bezoriligi tufayli jazoga tortildi.

Yevropa ligasidan o‘rin olgan «Lion» - «Beshiktosh» o‘yinida har ikkala jamoa muxlislari tribunalarda mushtlashib ketib, keyin maydonga tushib ketishgandi. Natijada o‘yinning boshlanish vaqti deyarli bir soatga surilgandi.

UEFA tartib-intizom qo‘mitasi bu mojaroni o‘rganib chiqdi va har ikkala klubni yevrokuboklardan bir mavsumga shartli ravishda chetlashtirdi. Bundan tashqari ularning har biri 100 ming yevro miqdorida jarimaga tortildi.