УЕФА матбуот хизматининг хабарига кўра, «Лион» ва «Бешиктош» клублари мухлисларининг безорилиги туфайли жазога тортилди.
Европа лигасидан ўрин олган «Лион» - «Бешиктош» ўйинида ҳар иккала жамоа мухлислари трибуналарда муштлашиб кетиб, кейин майдонга тушиб кетишганди. Натижада ўйиннинг бошланиш вақти деярли бир соатга сурилганди.
УЕФА тартиб-интизом қўмитаси бу можарони ўрганиб чиқди ва ҳар иккала клубни еврокубоклардан бир мавсумга шартли равишда четлаштирди. Бундан ташқари уларнинг ҳар бири 100 минг евро миқдорида жаримага тортилди.
