Braziliya sudi "Sport Resifi" klubini 1987 yilgi mamlakat chempioni deb e’lon qildi.

ESPN xabariga ko‘ra, 30 yil davom etgan sud muhokamasidan so‘ng, "Sport Resifi" klubi g‘alabaga erishdi.

Gap shundaki, 1987 yilda Braziliyada ikki chempionat o‘tkazilgan. Biri federasiya tomonidan tashkil qilingan, ikkinchisi klublar tomonidan. "Sport Resifi" federasiya chempionatida, "Flamengo" esa klublar chempionatida g‘olib chiqqan. Mutloq g‘olibni aniqlash maqsadida, har ikkala klub o‘rtasida final bahsi belgilangan, ammo "Flamengo" unda ishtirok etishdan bosh tortgan.

Braziliya sudi 2011 yilda "Sport Resifi"ni chempion ekani haqida qaror chiqargandi. Ammo "Flamengo" bu qaror yuzasidan apellyasiya berdi. Yaqinda uning shikoyati rad etilib, "Sport Resifi" chempion deb e’lon qilindi.