Бразилия суди "Спорт Ресифи" клубини 1987 йилги мамлакат чемпиони деб эълон қилди.

ESPN хабарига кўра, 30 йил давом этган суд муҳокамасидан сўнг, "Спорт Ресифи" клуби ғалабага эришди.

Гап шундаки, 1987 йилда Бразилияда икки чемпионат ўтказилган. Бири федерация томонидан ташкил қилинган, иккинчиси клублар томонидан. "Спорт Ресифи" федерация чемпионатида, "Фламенго" эса клублар чемпионатида ғолиб чиққан. Мутлоқ ғолибни аниқлаш мақсадида, ҳар иккала клуб ўртасида финал баҳси белгиланган, аммо "Фламенго" унда иштирок этишдан бош тортган.

Бразилия суди 2011 йилда "Спорт Ресифи"ни чемпион экани ҳақида қарор чиқарганди. Аммо "Фламенго" бу қарор юзасидан апелляция берди. Яқинда унинг шикояти рад этилиб, "Спорт Ресифи" чемпион деб эълон қилинди.