"Bunyodkor" ushbu mavsumda beqaror o‘yin namoyish qilishda davom etmoqda. Sergey Lushchan shogirdlari Oliy liganing 7-turi doirasida "Dinamo"ni o‘z maydonida qabul qildi va durangga imzo chekdi.

O‘yinning 21-daqiqasida samarqandliklar hisobni ochishdi. Chap qanotdan Isroilov uzatib bergan to‘pni Qahramonov bir urinishda Zuhurov qo‘riqlayotgan darvozaga joylab qo‘ydi - 0:1.

Oradan 6 daqiqa o‘tib, mezbonlar hisobni tenglashtirishdi. Raqibdan to‘pni olib qo‘ygan Hamdamov chamasi 18 metrlardan Naumov qo‘riqlayotgan darvozani ishg‘ol qildi - 1:1.

Qolgan daqiqalarda, ayniqsa, ikkinchi bo‘limda tomonlar asosan olis masofalardan darvoza tomon ko‘plab zarbalar berishdi. Darvozabonlar yaxshi harakat qilishdi va hisobni o‘zgarishiga yo‘l qo‘yishmadi.

Ushbu durangdan keyin "Dinamo" o‘z ochkolarini 13taga yetkazib, vaqtinchalik bo‘lsa-da jadval peshqadamiga aylandi. "Bunyodkor" esa 9 ochko bilan 8-o‘rinni egallab turibdi.

Oliy liga, 7-tur
"BUNYODKOR" - "DINAMO" - 1:1
20 aprel 2017. "Bunyodkor" stadioni. 18:00
Gollar: Dostonbek Hamdamov (27) — Javohir Qahramonov (21).
Ogohlantirishlar: Sardorbek Azimov (63), Dilshodbek Ahmadaliyev (72), Eldor Shomurodov (79) — Davronbek Umirov (23)
"Bunyodkor": Murodjon Zuhurov (s), Rustam Ashurmatov, Akrom Komilov, Eldor Shomurodov, Doston Hamdamov, Nurillo To‘xtasinov (Javohir Esonqulov 56), Sardor Azimov (Mirjahon Mirahmadov 65), Dilshod Ahmadaliyev, Davron Umirov, Otabek Shukurov Xurshid G‘iyosov
"Dinamo": Mixail Naumov, Mirkomil Lokayev, Akmal Bozorov (s), Jasur Azimov Javohir Qahramonov, Radu Rogak, Shoxrux Xolmatov, Damir Nizanov (Abdumalik Abdullayev 59), Orif Mamajonov (Firdavs Abdusalomov 86), Amirjon Safarov (Iskandar Xolmirzayev 90+2), Abdujamol Isroilov
Hakamlar: Temur To‘xtasinov, Ziyodulla Abdurahmonorv, Anvar Marajabov (barchasi – Andijon), Igor Xudoydotov (Toshkent)
Nazoratchi: Ibrohim Sharipov (Buxoro)
O‘zPFL vakili: Farhod Magametov