"Бунёдкор" ушбу мавсумда беқарор ўйин намойиш қилишда давом этмоқда. Сергей Лушчан шогирдлари Олий лиганинг 7-тури доирасида "Динамо"ни ўз майдонида қабул қилди ва дурангга имзо чекди.

Ўйиннинг 21-дақиқасида самарқандликлар ҳисобни очишди. Чап қанотдан Исроилов узатиб берган тўпни Қаҳрамонов бир уринишда Зуҳуров қўриқлаётган дарвозага жойлаб қўйди - 0:1.

Орадан 6 дақиқа ўтиб, мезбонлар ҳисобни тенглаштиришди. Рақибдан тўпни олиб қўйган Ҳамдамов чамаси 18 метрлардан Наумов қўриқлаётган дарвозани ишғол қилди - 1:1.

Қолган дақиқаларда, айниқса, иккинчи бўлимда томонлар асосан олис масофалардан дарвоза томон кўплаб зарбалар беришди. Дарвозабонлар яхши ҳаракат қилишди ва ҳисобни ўзгаришига йўл қўйишмади.

Ушбу дурангдан кейин "Динамо" ўз очколарини 13тага етказиб, вақтинчалик бўлса-да жадвал пешқадамига айланди. "Бунёдкор" эса 9 очко билан 8-ўринни эгаллаб турибди.

Олий лига, 7-тур
"БУНЁДКОР" - "ДИНАМО" - 1:1
20 апрель 2017. "Бунёдкор" стадиони. 18:00
Голлар: Достонбек Ҳамдамов (27) — Жавоҳир Қаҳрамонов (21).
Огоҳлантиришлар: Сардорбек Азимов (63), Дилшодбек Аҳмадалиев (72), Элдор Шомуродов (79) — Давронбек Умиров (23)
"Бунёдкор": Муроджон Зуҳуров (с), Рустам Ашурматов, Акром Комилов, Элдор Шомуродов, Достон Ҳамдамов, Нурилло Тўхтасинов (Жавоҳир Эсонқулов 56), Сардор Азимов (Миржаҳон Мираҳмадов 65), Дилшод Аҳмадалиев, Даврон Умиров, Отабек Шукуров Хуршид Ғиёсов
"Динамо": Михаил Наумов, Миркомил Локаев, Акмал Бозоров (с), Жасур Азимов Жавоҳир Қаҳрамонов, Раду Рогак, Шохрух Холматов, Дамир Низанов (Абдумалик Абдуллаев 59), Ориф Мамажонов (Фирдавс Абдусаломов 86), Амиржон Сафаров (Искандар Холмирзаев 90+2), Абдужамол Исроилов
Ҳакамлар: Темур Тўхтасинов, Зиёдулла Абдураҳмонорв, Анвар Маражабов (барчаси – Андижон), Игорь Худойдотов (Тошкент)
Назоратчи: Иброҳим Шарипов (Бухоро)
ЎзПФЛ вакили: Фарҳод Магаметов