“Bunyodkor” – “Dinamo” (1:1) uchrashuvidan keyingi matbuot anjumanida samarqandliklar ustozi ishtirok etdi.

“Bunyodkor” bilan durang natija biz uchun oltinga teng. Yigitlarimiz bunday qiyin bahsda chidamli bo‘lishdi va oxirgi daqiqalargacha kurashdan to‘xtashmadi. Yigitlarimizda o‘zlariga bo‘lgan ishonch yuqori. Aynan shuning hisobiga yaxshi natijalar qayd etyapmiz, deb o‘ylayman. Shuningdek, natijalarimizda muxlislarimizning ham salomqli hissalari bor. Ularning qo‘llab-quvvatlashlari bizga qo‘shimcha dalda bo‘lmoqda. O‘yin oldidan tarkib borasida muammolar bor edi. Jarohatlangan va diskvalifikasiya qilingan futbolchilarimiz bor edi. Balki yutqazib qo‘yardik. Lekin durang biz uchun yaxshi natija. Ilhom Sharipov, Uchqun Qobilov va men o‘zaro kelishib ishlayapmiz", - dedi Oleg Tyulkin.