Serbiya poytaxti Belgrad shahrida o‘quv-yig‘in mashg‘ulotlarini olib borayotgan O‘zbekiston yoshlar terma jamoasi kecha, 20 aprel kuni Serbiya U-18 termasiga qarshi ikkinchi o‘rtoqlik o‘yinida maydonga tushdi.

Aleksandr Mochinov bosh murabbiligidagi jamoa dastlabki o‘yinda 0:2 hisobida imkoniyatni boy bergandi. Jamoalar o‘rtasidagi ikkinchi bellashuvda 2:2 hisobidagi jangovar durang qayd etildi.

Qayd etish joiz, Serbiya bolalar va o‘smirlar futbol maktabi dunyo bo‘yicha yetakchi hisoblanadi. 2013 yilda Serbiya U-19 termasi Yevropa chempioni, 2015 yilda esa Serbiya U-20 yoshlar o‘rtasidagi Jahon chempioni bo‘lgan.

Mazkur yig‘in O‘zbekiston U-18 terma jamoasining 2018 yili bo‘lib o‘tadigan U-19 Osiyo chempionati saralash bosqichiga tayyorgarlik vazifasini o‘taydi. Saralash bosqichi uchrashuvlari shu yilning 31 oktyabr – 8 noyabr kunlari bo‘lib o‘tadi.

O‘rtoqlik uchrashuvi
20 aprel, payshanba
Belgrad, Serbiya

Serbiya U-18 – O‘zbekiston U-18 – 2:2

Gollar: Stefan Ilich (6), Deyan Yovelich (76, pen.) – Kamron Saidazimov (31), Abubakir Mo‘ydinov (47).

Ogohlantirishlar: Velko Jovkovich, 68' – Abbosbek Jumaqulov,38', Ibrohim Yo‘ldoshev, 67', Javohir Qilichev, 75', Asadbek Sobirjonov, 83'

Serbiya U-18: Vladan Dekich, Marko Ilich (YUlian Popovich, 65'), Stefan Ilich (Aleksa Terzich, 59'), Aleksandar Dordevich (Igor Maksimovich, 65'), Dushan Yokovich (Lazar Koich, 90'), Dorje Petrovich, Jug Stanoyev (Luka Ilich, 59'), Meletios Mishkovich, Deyan Yovelich, Lazar Nikolich (Velko Yovkovich, 59'), Kristian Jivkovich.

O‘zbekiston U-18: Javohir Qilichev, Dilshod Saitov, Abdulaziz Yoqubov (Abubakir Mo‘ydinov, 46'), Suhrob Izzatov, Kamron Saidazimov (Asadbek Sobirjonov, 46'), Islom Kenjaboyev, Ibrohim Yo‘ldoshev, Abbosbek Jumaqulov Xudoyorxon Sa’dullayev, 14'), Bobirjon Asqarov, Jahongirbek Abdusalomov (Rasul Yo‘ldoshev, 64'), Georgiy Ahmedov.