Bugun Oliy liganing 7-turidan o‘rin olgan “Paxtakor” – “Lokomotiv” uchrashuvi bo‘lib o‘tadi. “Toshkent derbisi” maqomiga ega bahsni Baxtiyor Namozov boshchiligidagi hakamlar brigadasi boshqarib boradi.
Jamoalarning turnir jadvalidagi o‘rni: “Paxtakor” hozirgacha oliy ligada oltita o‘yinda maydonga tushib, 7 ochko jamg‘ardi va turnir jadvalida 11-o‘rinni egallab turibdi. “Lokomotiv” hisobida esa 5ta o‘yindan so‘ng 12 ochko bor va jamoa ikkinchi o‘rinda bormoqda.
FAKT: “Lokomotiv” safarda hozircha ikkita o‘yin o‘tkazdi: bir g‘alaba va bir mag‘lubiyat. “Temiryo‘lchilar” avvaliga “Mash’al”ni 1:0 hisobida mag‘lub etgan bo‘lsa, keyin G‘uzorda “Sho‘rtan”ga 0:2 hisobida yutqazib qo‘yishdi.
FAKT: O‘z maydonida uchta uchrashuv o‘tkazgan “Paxtakor” shundan ikkitasida zafar quchdi va bir bor durang o‘ynadi. Jamoa o‘z maydonida “Qizilqum” va “Metallurg”ni mag‘lub etib, “Dinamo”ga 0:1 hisobida yutqazib qo‘ygan.
BILASIZMI? “Lokomotiv” shu paytgacha “Paxtakor”ni safarda faqat bir bor mag‘lub etgan. 2013 yil “Paxtakor” markaziy stadionida bo‘lgan o‘yinda “temiryo‘lchilar” 2:1 hisobida g‘alaba qozonishgan. O‘shanda Akmal Xolmatov va Viktor Karpenko tomonidan kiritilgan gollar “Loko”ga uch ochkoni taqdim etgandi.
Quyida o‘sha uchrashuv qaydnomasini keltirib o‘tamiz:
PAXTAKOR – LOKOMOTIV – 1:2 (1:2)
19.04.2013. 6-tur. 8535 tomoshabin.
Hakam: Ravshan Ermatov
Gollar: 1:0 – Maxaradze Kaxi, 24. 1:1 – Xolmatov Akmal, 28. 1:2 – Karpenko Viktor 32.
PAXTAKOR: Lobanov Aleksandr; O‘runov G‘ulom; Maxaradze Kaxi; Abduxoliqov Temurxo‘ja; Iskanderov Jamshid; Mamatkazin Ildar (Ismatullayev Akbar, 39); Merzlyakov Aleksandr; Hoshimov Davron; Suyunov Ilhom (Sergeev Igor, 72); Kozak Vladimir; Qilichev Oybek (Oganesyan Jora, 50).
LOKOMOTIV: Bugalo Pavel; Yo‘ldoshev Boburbek; Abdullayev Sadriddin (Rahmatullayev Dilshod, 72); Xolmatov Akmal; Tojiyev Farhod; Hasanov Jasur J. (Tursunov Sanjar, 75); Mustafoyev Salim; Inomov Islom; To‘xtaxo‘jayev Islom; Karpenko Viktor (Nagayev Ivan, 79); Jabborov Dilshod
