«Sevilya» bosh murabbiyi Xorxe Sampaoli mavsum oxirigacha Argentina futbol federasiyasi (AFA) bilan muzokara o‘tkazmasligi aytdi.
«Bilaman, qiziqish bor. Buni inkor qilish – yolg‘on bo‘lardi. AFA meni tanlabdi, ammo ular mavsum oxiriga qadar kutib tursin. Agar hozir muzokara o‘tkaziladigan bo‘lsa, «Sevilya»ga zarar yetishi mumkin, bunga esa yo‘l qo‘ymayman.
Murabbiy ham tovon puli to‘lansa, xuddi futbolchi kabi ketishi mumkin. Biroq men «Sevilya»ning niyatini bilmoqchiman. Klub prezidenti mavsum tugaganidan so‘ng men bilan gaplashishini aytgan» - dedi Sampaoli Football Espana xabarida.
Avvalroq, Sampaoli 1,5 mln yevro tovon puli evaziga «Sevilya»ni tark etib, Argentinani boshqarishi mumkinligi haqida xabarlar chiqqan edi.