WSB guruh bosqichining 6-turi +92 kg vaznli boskchilar o‘rtasidagi jang bilan o‘z nihoyasiga yetdi. Jangda Uzbek Tigers a’zosi Mirzobek Hasanov Boxing Team jamoasi a’zosi Artyom Suslenkov 3:0 hisobi bilan mag‘lub etdi.

Hakamlar 48:47, 49:46, 48:47 hisobi bilan bir ovozdan Mirzobek Hasanovning g‘alabasini qayd etdi.

Avvalroq yakuniga yetgan -52 kilogrammgacha bo‘lgan bokschilar o‘rtasidagi jangda Uzbek Tigers a’zosi Abrorjon Qodirov raqibini ishonchli tarzda mag‘lub etgandi. Keyin esa Uzbek Tigers’ning -60 kg vaznli bokschisi Ulug‘bek Do‘stmurodov raqibiga mag‘lub bo‘ldi.

Shuningdek, biroz avval yakuniga yetgan jangda, -69 kg vaznda ringga ko‘tarilgan Odil Aslanov ham raqibiga imkoniyatni boy berdi. -81 kg vazndagi Uzbek Tigers a’zosi Madiyor Saidrahimov ham ochkolar hisobiga raqibiga yutqazib qo‘ydi.

Shu tariqa Uzbek Tigers guruh bosqichini 2:3 hisobidagi mag‘lubiyat bilan yakunladi.

Eslatib o‘tamiz, Uzbek Tigers guruh bosqichidan muddatidan avval chiqqanligi sababli Rossiyaga asosiy bokschilarini olib ketmagan edi.