WSB гуруҳ босқичининг 6-тури +92 кг вазнли боскчилар ўртасидаги жанг билан ўз ниҳоясига етди. Жангда Uzbek Tigers аъзоси Мирзобек Ҳасанов Boxing Team жамоаси аъзоси Артём Сусленков 3:0 ҳисоби билан мағлуб этди.
Ҳакамлар 48:47, 49:46, 48:47 ҳисоби билан бир овоздан Мирзобек Ҳасановнинг ғалабасини қайд этди.
Аввалроқ якунига етган -52 килограммгача бўлган боксчилар ўртасидаги жангда Uzbek Tigers аъзоси Аброржон Қодиров рақибини ишончли тарзда мағлуб этганди. Кейин эса Uzbek Tigers’нинг -60 кг вазнли боксчиси Улуғбек Дўстмуродов рақибига мағлуб бўлди.
Шунингдек, бироз аввал якунига етган жангда, -69 кг вазнда рингга кўтарилган Одил Асланов ҳам рақибига имкониятни бой берди. -81 кг вазндаги Uzbek Tigers аъзоси Мадиёр Саидраҳимов ҳам очколар ҳисобига рақибига ютқазиб қўйди.
Шу тариқа Uzbek Tigers гуруҳ босқичини 2:3 ҳисобидаги мағлубият билан якунлади.
Эслатиб ўтамиз, Uzbek Tigers гуруҳ босқичидан муддатидан аввал чиққанлиги сабабли Россияга асосий боксчиларини олиб кетмаган эди.
