Turkiyaning "Gaziantepspor" klubi himoyachisi Frantishek Raytoral o‘z joniga qasd qildi va 31 yoshida olamdan o‘tdi.

Turkiya OAV xabarlariga ko‘ra, futbolchi o‘zini osgan. Klub prezidenti Ibrohim Qizil bu ma’lumotni tasdiqladi. "Uning kayfiyati yaxshi edi, unda muammo borligi bilinmas edi. Men uning nima uchun bunday qilganini tushunmayapman", - deydi Qizil.

Raytoral 2016 yilda "Gaziantepspor"ga o‘tgan edi va bu mavsumda 19 ta o‘yin o‘tkazgan.

Raytoral bungacha Plzenning "Viktoriya" klubida 7 yil o‘ynagan va ikki marta Chexiya chempioni bo‘lgan. Futbolchi Chexiya terma jamoasida 14 o‘yin o‘tkazgan.