Туркиянинг "Газиантепспор" клуби ҳимоячиси Франтишек Райторал ўз жонига қасд қилди ва 31 ёшида оламдан ўтди.
Туркия ОАВ хабарларига кўра, футболчи ўзини осган. Клуб президенти Иброҳим Қизил бу маълумотни тасдиқлади. "Унинг кайфияти яхши эди, унда муаммо борлиги билинмас эди. Мен унинг нима учун бундай қилганини тушунмаяпман", - дейди Қизил.
Райторал 2016 йилда "Газиантепспор"га ўтган эди ва бу мавсумда 19 та ўйин ўтказган.
Райторал бунгача Пльзеннинг "Виктория" клубида 7 йил ўйнаган ва икки марта Чехия чемпиони бўлган. Футболчи Чехия терма жамоасида 14 ўйин ўтказган.
