"Arsenal" bosh murabbiyi Arsen Venger Angliya kubogi yarimfinalida "Manchester Siti"ni mag‘lub etib (2:1), musobaqa finaliga yo‘llanma qo‘lga kiritilganidan so‘ng fikrlari bilan o‘rtoqlashdi.
"Men juda mamnunman. Bugun katta o‘yin bo‘ldi. Nafaqat texnika borasida, balki ruhiyat borasida ham ajoyib o‘yin bo‘ldi. Biz g‘alabaga munosib bo‘ldik. Biz haqiqiy jamoaviy ish bajardik. Jamoaviy ish - bu barcha o‘yinchilar natijaga o‘ynashi va bor kuchini ishga solishidir.
Aleksis Sanches jamoa uchun o‘ynadi. U hech qachon taslim bo‘lmaydi. U kelgusi mavsumda ham jamoada qoladi. Biz tanqidlarga munosib javob berdik", - deydi Venger.
