"Арсенал" бош мураббийи Арсен Венгер Англия кубоги яримфиналида "Манчестер Сити"ни мағлуб этиб (2:1), мусобақа финалига йўлланма қўлга киритилганидан сўнг фикрлари билан ўртоқлашди.
"Мен жуда мамнунман. Бугун катта ўйин бўлди. Нафақат техника борасида, балки руҳият борасида ҳам ажойиб ўйин бўлди. Биз ғалабага муносиб бўлдик. Биз ҳақиқий жамоавий иш бажардик. Жамоавий иш - бу барча ўйинчилар натижага ўйнаши ва бор кучини ишга солишидир.
Алексис Санчес жамоа учун ўйнади. У ҳеч қачон таслим бўлмайди. У келгуси мавсумда ҳам жамоада қолади. Биз танқидларга муносиб жавоб бердик", - дейди Венгер.
