“Bunyodkor” – “Al-Ahli” uchrashuvidan keyingi matbuot anjumanining birinchi qismida jiddaliklar ustozi ishtirok etdi.

- Bahsni g‘alati boshladik. Raqib esa dastlabki daqiqalardanoq o‘tkir hujumlar uyushtirib, bizni shoshirib qo‘ydi. Natijada biz o‘zimiz istagan o‘yinni ko‘rsata olmadik. “Bunyodkor”da ko‘plab vaziyatlar bo‘ldi. Ular haqli g‘alabaga erishdilar. “Bunyodkor” bugun hech qanday bosimsiz, o‘z obro‘si uchun to‘p tepdi. Raqibimizning yo‘qotadigan hech narsasi yo‘q edi. Tarkibimizdagi eng yetakchi uch nafar futbolchimiz kutilgan o‘yinni ko‘rsatib bera olishmadi. “Bunyodkor” esa jamoaviy o‘yin evaziga g‘alabaga erishdi. O‘tkazib yuborilgan gollarga to‘xtaladigan bo‘lsam, ochig‘i raqib kutilmagan vaziyatlardan foydalanib ketdi. Endi oxirgi turda “pley-off” masalasini hal qilamiz, - deydi Kristian Gross.