Zlatan Ibragimovichning og‘ir jarohat olib joriy mavsum maydonga tusha olmasligidan xavfsiragan “Manchester Yunayted” yozgi transferlar mavsumida yangi hujumchi sotib olishni rejalashtirmoqda.
Don Balon nashrining xabariga ko‘ra, “qizil iblislar” bosh murabbiyi Joze Mourinyo “Real” hujumchisi Alvaro Moratani o‘z klubi tarkibida ko‘rish istagida. Shu bois, “MYU” rahbariyati yaqin kunlar ichida “Real”ga Morata bo‘yicha rasmiy taklif yuboradi.
Ma’lumot uchun, Alvaro “Real”da Karim Benzema soyasida qolib ketmoqda va o‘yin amaliyotiga deyarli ega bo‘layotgani yo‘q.
Angliya OAVlari xabariga ko‘ra, “MYU” avvalroq birdaniga Antuan Grizmann (“Atletiko”), Romelu Lukaku (“Everton”) va Andrea Belotti (“Torino”) kabi hujumchilar hizmatiga qiziqish bildirayotgandi.
