«Manchester Siti» ustozi Xosep Gvardiola Manchester derbisidan oldin o‘z fikrlarini aytdi.

«O‘yin juda og‘ir bo‘ladi. «Man Yunayted» Ibrasiz ham yaxshiroq o‘ynashga qodir. Shubhasiz, Ibrohimovich – ajoyib futbolchi, ammo ularda boshqa hujumchilar ham bor. Lingard, Reshford va Yang har qanday himoyani yorib o‘tishi mumkin.

9 yildan buyon murabbiylik qilmoqdaman va ilk marotaba bir mavsumda sovrinsiz qoldim. Qachonlardir bu voqea yuz berishi kerak edi. Agar faoliyatim uzoq vaqt davom etsa, bu voqea yana takrorlanishi mumkin. Ammo Yevropada sovrinsiz qolayotgan katta klublar ko‘p.

Oldinda 6ta o‘yinimiz bor. Ulardan to‘rttasini uyda o‘tkazamiz, demak Chempionlar ligasi yo‘llanmasi taqdiri ertaga bo‘ladigan o‘yin va uy uchrashuvlarimizga bog‘liq» - dedi Gvardiola.